
Arkeologo talde bat irla ezezagun batera iritsi da hegazkin istripu baten ondorioz. Eguna argitzean txunditurik geratu dira irla osoa antzinako zibilizazio desberdinen tenplu eta herrixkaz beterik dagoela ikustean...
Baina egoera ez da arkeologoek uste bezain ona. Zibilizazio desberdinetako jainkoak liskarturik dabiltza irlaren jabetza norena den erabaki ezinik. Egoera baretu dezakeen gauza bakarra aspaldian galdutako objektu magiko bat da: Kriptoa.
Arkeologoek milaka abentura biziko dituzte objektu magikoaren bila izaki mitologiko eta jainko maltzurrei aurre eginez. Kriptoa ez badute aurkitzen edo ez badute bere kode ezkutua argitzen ATLANTIKAn geratu beharko dute betirako!